Камп на иновации 06-07 Декември 2023 – СУГС ,,Лазар Танев’’
Posted on: 10.12.2023
Џуниор Ачивмент Македонија на 6 и 7 декември 2023 година организираше Камп на иновации во СУГС „Лазар Танев“ на кој учествуваа 34 ученици. Настанот беше насочен кон поттикнување на иновативното размислување и развој на претприемнички вештини кај младите.
Во текот на дводневниот натпревар, учениците поминаа низ работилница за изработка на бизнис план и работеа во тимови на развој и унапредување на сопствени бизнис идеи. Активностите беа фокусирани на практична примена на знаењата, тимска работа и креативен пристап кон решавање на реални предизвици.
Учениците се истакнаа со креативни и одржливи идеи, како што се производство на био-ѓубриво од остатоци од храна, дигитални платформи за донирање храна и преработка на храна во производи за домашни миленици.
Кампот на иновации уште еднаш ја потврди важноста на ваквите настани за развој на младинскиот потенцијал, овозможувајќи им на учениците стекнување практични знаења и искуство, како и зајакнување на нивните комуникациски и презентациски вештини.


