Камп на иновации – 12-13 Октомври 2023 – Велес

Posted on: 16.10.2023

Од 12 до 13 октомври 2023 година, Џуниор Ачивмент Македонија организираше Камп на иновации во Велес, настан посветен на развој на претприемнички вештини и претприемништво кај младите. На кампот учествуваа ученици од осум средни училишта од Велес, Струмица, Македонска Каменица, Берово, Свети Николе, Кавадарци, Штип и Пробиштип.

Во текот на дводневниот настан, учениците учествуваа на работилница за изработка на бизнис план и работеа во тимови на развој на сопствени бизнис идеи, со фокус на иновативни и одржливи решенија.

Кампот на иновации претставува можност за учениците да стекнат практично искуство, да ја зајакнат тимската работа и да ги унапредат своите презентациски и претприемнички вештини.