Џуниор Ачивмент Македонија одбележува 9 години посветеност на младите и претприемништвото /18.11.2026

Posted on: 18.11.2026

Девет години идеи, иновации, претприемачки дух и создавање можности за младите!

Од 2017 година до денес, Џуниор Ачивмент Македонија активно работи на поттикнување на претприемачкиот дух, развивање на креативноста и унапредување на знаењата и вештините кај младите, подготвувајќи ги за предизвиците и можностите на иднината.

Во текот на изминатите девет години, заедно со учениците, наставниците, менторите, волонтерите и партнерите, создадовме бројни можности за учење, соработка и практично искуство. Зад овој јубилеј стојат инспиративни приказни, иновативни идеи, успешни ученички тимови и млади луѓе кои имаа храброст да ги претворат своите идеи во конкретни иницијативи.

Овој јубилеј е можност да им се заблагодариме на сите кои беа и остануваат дел од нашата приказна. Нивната поддршка, посветеност и соработка се значаен дел од нашата мисија – да им помогнеме на младите да ги препознаат своите потенцијали, да развиваат претприемачки компетенции и активно да придонесуваат кон општеството.

Девет години посветеност, соработка и создавање можности – и уште многу предизвици и успеси што допрва следуваат!

Продолжуваме посветено да ја инспирираме и поддржуваме следната генерација претприемачи, иноватори и лидери.

Џуниор Ачивмент Македонија – заедно ги претвораме идеите во можности!