Еразмус + проект „Виртуелко за сите” со партнери од Србија и Бугарија
Posted on: 03.06.2025
Започнавме нов Еразмус + проект „Виртуелко за сите” во партнерство со организации од Србија (Праскозорје и Економското училиште од Пирот) и Бугарија (Интра Ментис). Првиот состанок на проектниот тим, одржан на 2 јуни 2025 година на платформата Google Meet го означи и официјалниот почеток на проектот. Проектните партнери се собраа да се запознаат со обврските за спроведување, како и за подобрување на платформата Virtuelco креирана од лидер организацијата Праскозорје од Србија. Платформата „Виртуелко за сите“ има за цел да го подобри нивото на финансиска писменост кај младите преку практична едукација. Учесниците управуваат со виртуелни компании, во кои симулираат реални деловни активности – вклучително и креирање документација за купопродажба на стоки и услуги. Преку овој интерактивен пристап, младите стекнуваат дигитални вештини и знаења поврзани со буџетирање, планирање, фактурирање, деловна комуникација и финансиско донесување одлуки. Платформата симулира бизнис на домашниот и меѓународниот пазар и се базира на постојниот тек на документи во нашите компании и им овозможува на младите луѓе да стекнат знаења и вештини потребни во светот на работата.
Времетраењето на проектот е од 1 јуни 2025 година до 31 декември 2026 година, во кој период ќе се реализира ажурирање на делот од платформата на бугарски јазик, како и подобрувањето на новите содржини на македонски и српски јазик. Дополнително, упатството за работа ќе биде прилагодено на промените на платформата, што го олеснува користењето на платформата. Планирано е да се организираат обуки за работа на платформата на неколку целни групи, според новата методологија за работа и образование. Наставниците од економската група предмети ќе бидат примарна целна група, по што следат млади луѓе од категоријата NEET (ниту невработени ниту посетуваат обука), како и студенти на економски факултети кои стекнуваат функционално знаење за работа во економијата. Сите споменати активности ќе бидат следени и координирани меѓу партнерските организации, а резултатите од проектот ќе бидат објавени преку веб-страниците на организациите и социјалните мрежи.
