Вебинар POLICY ANSWERS: R&I Policy making, implementation and Support in the Western Balkans – 05.11.2024
Posted on: 05.11.2024
Директорката на Џуниор Ачивмент Македонија, Љупка Панчевска беше еден од панелисте на вебинарот POLICY ANSWERS Peer-Learning Webinar: Inclusive Gender Equality in R&I and Education на 5ти ноември 2024.
Вебинарот е организиран во рамки на проектот POLICY ANSWERS: R&I Policy making, implementation and Support in the Western Balkans кој го спроведува Фондацијата за Менаџмент и индустриско истражување. Настанот привлече експерти, креатори на политики и практичари од Западен Балкан и пошироко, создавајќи платформа за критички дијалог околу родовата инклузија. Овој настан беше од суштинско значење за адресирање на системските пречки и иновативните решенија.
На вебинарот беа претставени неколку значајни програми INSPIRE, STREAM IT и Girls Go Circular кои се стремат кон намалување на родовите нееднаквости и зајакнување на дигиталните и лидерските вештини.
Вебинарот ја истакна важноста од вградување на родовата еднаквост во институционалните политики, со фокус на надминување на структурните предизвици и поттикнување на соработка меѓу различни сектори за општествени промени.
