Камп на иновации – 19-21 Јуни 2022 – Струга

Posted on: 23.06.2022

Од 19 до 21 јуни 2022 година, Џуниор Ачивмент Македонија организираше два Кампа на иновации, наменети за ученици од пет средни училишта од Битола. Настаните беа организирани како натпревар во претприемнички вештини, со цел поттикнување на креативноста, тимската работа и иновативното размислување кај младите.

За време на натпреварите, учениците работеа во тимови на развој на бизнис идеи и изработка на бизнис планови, поминувајќи низ структуриран процес од идеја до конечен концепт. Натпреварот им овозможи на учесниците практично да научат како да ги претворат своите идеи во остварливи решенија и како ефикасно да соработуваат во тим.

Камповите завршија со презентации на развиените концепти пред стручно жири и свечено доделување награди за најуспешните тимови. Во рамки на настаните беа презентирани бројни иновативни пристапи и решенија поврзани со одржливиот развој.