Џуниор Ачивмент Македонија на 12-13 јуни,организираше 2 Хакатони – натпревари во претприемнички вештини за ученици од 5 средни училишта од Битолскиот регион. Хакатонот е креативен настан во кој учениците се запознаваат со светот на бизнисот, учат како да работат во тим, стекнуваат претприемнички вештини, бараат начини за решавање на проблемите во заедницат и како да ги претворат своите идеи во конкретен бизнис план.

На учениците им беа претставени два одделни предизвици (како своето училиште да го трансформираат во Еко-училиште и да придонесат за енергетска ефикасност во нивната заедница, по што беа поделени во 12 тима (6 сини и 6 жолти тима според  дадениот предизвик). Стручното жири имаше навистина тешка задача да ги одбере најдобрите.

Овој настан опфати интересни содржини за учениците, игри и размена на знаења, како и најпосакуваниот резултат, како да помогнат во нивната заедница. Тие излегоа со голем број решенија нарешенија кои не само што се иновативни туку и се одржливи и ќе креираат нови зелени работни места.