Младите вклучени во програмските активности на проектот PLAY Jet, имаа можност да учествуваат на тркалезна маса со клучни чинители на 14 јуни 2024 во Струга.

Како одговор на вонредната состојба со климатските промени, тркалезната маса имаше за цел да ги поттикне средношколците активно да се вклучат и да им овозможи да го кажат нивното мислење пред претставниците на локалната самоуправа и останати клучни чинители.

Воведниот дел од настанот ги појасни предизвиците со праведна транзиција и одржлив развој во битолскиот регион и ги охрабри учеснциите активното да се вклучат на тркалезната маса.

Дискусијата која се водеше за време на настанот ја покажа колективната посветеност за одржлив развој и критичната улога на образованието и младинскиот ангажман во постигнувањето на еколошките цели.

Од друга страна пак, клучните чинители (претставници од општините, невладини организации, партнерски организации и младински организации) беа охрабрени да ја поддржат дискусијата и да ја истакнат потребата за зајакнување на младите преку едукација и практично вклучување во зелени проекти.

Преку ваков начин на инспирирање на младите да се вклучат на тркалезни маси и работилници се зголемува нивното знаење и се охрабруваат за нивно активно вклучување во процесите на креирање политики, поттикнувајќи култура на иновации во клучните области за праведна транзиција.