Обуката за средношколци во Охрид се одржа и оваа година како круна на Џуниор Ачивмент активностите кои се случија во учебна 2022/2023та година!

Од 23ти до 25ти август во Охрид,  нашите ученици и наставници беа дел од обука во која беа опфатени најразлични содржина кои им дадоа можност да ги прошират своите знаења и да слушнат нешто повеќе за понатамошната поддршка за раст на ученичките компании, како да се втурнат во водите на бизнисот и како треба да изгледа добро структуирана презентација пред инвеститори.

Учениците ги презентираа своите идеи и добија повратна инфомација како истите може да ги подобрат во иднина. Дел од сессите беа посветени и на маркетинг и продажба и преку презентирање на разни алатки и начин на функционарање на социјалните мрежи од бизнис аспект, учениците ги продлабочија занењата во овие области и се запознаа со реалниот маркетинг свет.

За време на една од сесиите тимот на Иновакс, на присутните им ги раскажа доживувањата и убавите моменти поминати на Европскиот натпревар, во Истанбул.

За време на целиот настан посебен акцент беше ставен на поддршка на наставниците од нашата мрежа. На трите последователни сесии со нив, тие имаа можност за конструктивни забелешки и мислења за националниот натпревар и предлози за измени, како и да ги слушнат нашите идни планови и активности во новата учебна година.