Се одржа националниот натпревар на најдобри ученички компании! – 10-12 мај 2023

Posted on: 14.05.2023

Од 10 до 12 мај во Струга се одржа шестиот по ред Национален натпревар за најдобри ученички компании.

На натпреварот учество земаа 116 средношколци, вклучени во 25 ученички компании од Берово, Битола, Велес, Гевгелија, Гостивар, Кочани, Куманово, Македонски Брод, Охрид, Прилеп, Ресен, Скопје, Струмица и Тетово.

Националниот натпревар е завршен настан на кој ученици од средни училишта во земјата заедно со нивните наставници ментори ги презентираат своите ученички компании и своите производи и/или услуги создадени како дел од програмата Ученичка компанија на Џуниор Ачивмент Македонија Македонија. Оваа изборна образовна програма им овозможува на учениците да бидат вклучени во развој и менаџирање на сопствени компании, да креираат нови производи и услуги и да управуваат со финансиите на компанијата во рамките на своето средно образование. Програмата се заснова на принципот на учење преку работа – учениците преку наставната програма, под надзор на обучени менторски наставници, создаваат компанија, ја развиваат и затвораат во текот на учебната година. Победникот на натпреварот ќе има можност да се претстави на Европскиот натпревар во Истанбул, во конкуренција со претставници од 40 европски земји каде се спроведува програмата за ученички компании.

Преку свои обраќања на церемонијата за прогласување на победници на 12 мај, учесниците ги поздравија: Дон Кармин директорката на Канцеларијата за општ развој на УСАИД во Северна Македонија УСАИД и Фестим Халили Директор до Фондот за иновации и технолошки развој.

Победник на националниот натпревар на ученички компании за учебната 2022/2023 година организиран од Џуниор Ачивмент Македонија е „InoVax“ од средното училиште СЕТУГС „Михајло Пупин“ од Скопје. InoVax е ученичка компанија која со својот производ им помага на повозрасните лица и лицата со деменција, како и на нивните најблиски, за безбедно напуштање на нивните домови. Поточно компанијата произведува Уред за лоцирање на возрасни лица и лица со деменција.

Второто место му припадна на тимот од Голем Одмор од СОУ Гимназија Јосип Броз Тито – Битола. Голем одмор нуди апликација и услуга за решавање на два проблеми со кои се соочуваат учениците – недоволното време на учениците да купат и консумираат оброк за време на големиот одмор на училиште, како и достапноста главно на брза и нездрава храна.

Третото место го освои ученичката компанија Genesis од ССОУ Димитрија Чуповски од Велес. Ученичката компанија Genesis има визија да биде синоним за високи стандарди во козметологијата, со воведување нови навики и трендови за разубавување, негување и чување на кожата, преку користење на најприродни состојки.

Националниот натпревар е дел од проектот за Поддршка на претприемничко учење во Европа и Евроазија поддржан од УСАИД и од Фондот за иновации и технолошки развој

Во поддршка се вклучи и Агенцијата за поддршка на претприемништво на РСМ, чиј претстав ник Маја Цветановска им се обрати на присутните.

Настанот беше потпомогнат и до нашите долгогодишни соработници Пакомак, GDI, Сивус едукација и Бреинстер Некст Колеџ.

Преку Програмата за ученичка компанија Џуниор Ачивмент Македонија се стреми да го поддржи развојот на генерации на средношколци кои развиваат претприемачки дух и начин на размислување. Претприемничкото образование е еден од најуспешните концепти што може да влијае на образовните стратегии и помогне во долгорочен развој и поголема вработливост на младите.