Победниците на наградите за претприемничко училиште за 2023 година, меѓу кои и најпретприемничкото училиште во програмите на ЏА Македонија за 2022 година, СОУ „Љупчо Сантов“ од Кочани се собраа во Истанбул за време на Gen-E 2023!

Наградата е годишно признание за извонредните основни и средни училишта кои се залагаат за претприемничко образование во рамки на програмите на Џуниор Ачивмент. Наградата ги идентификува училиштата кои се истакнуваат во различни критериуми, како што се активно вклучување на наставниците и учениците, посветени ресурси, ангажман во заедницата, професионален развој и интеграција на европска димензија. Овие училишта го негуваат духот на претприемништвото, охрабрувајќи ги младите да размислуваат иновативно и да го остварат нивниот потенцијал како идни лидери и носители на промени.

Претставник од СОУ „Љупчо Сантов“ од Кочани беше присутен за време на гала вечерата и прогласувањето на победниците на Gen-e 2023, во Истанбул на 13ти јули.