Тимот на Џуниор Ачивмент Македонија, како дел од проектот „Панда лабс џуниор за праведна транзиција“, организираше промотивен и настан за вмрежување за студентите од Св. Климент Охридски и Меѓународниот Славјански Универзитет, лоцирани во регионот со јаглен Битола.

На 23 март, студентите имаа можност да слушнат за проектот, како можат да учествуваат во претстојните активности и образовната програма, временската рамка и како можат да се стекнат со знаење и вештини и да станат идната генерација млади зелени претприемачи, кои активно ќе учествуваат во процесот на праведна транзиција на нивната заедница.

Овој проект ќе ги поттикне младите да ја градат својата иднина, да учествуваат во носењето и застапувањето на политиките и поактивно да се вклучат во овие процеси преку алатките што ги обезбедува нивната локална власт.

На настанот присуствуваа претставници од општина Битола, како и Службеник за млади, член на младинското собрание на општината и академски професор, кои ја презентираа својата улога и работа во заедницата и можностите за младите во регионот. Со потпишувањето на Меморандум за соработка, општина Битола активно ги поддржува нашите проектни активности.